Миний ажлын өдрүүд нэг л маршрутаар өглөөнөөс эхэлдэг. Ажил эхлэх цагаас 2 цагийн өмнө босно. Тэгээд биеэ засчихаад шүршүүрт ороод шүдээ, нүүрээ , үс толгойгоо биеэ ( чухал хэсгээ ) хөлөө гэсэн дэс дарааллаар 20 минут орчмыг зарцуулна шүү дээ.

Тэгээд л толгойндоо томоо алчуур боочихоод дотуур хувцсаа өмсөөд нүүрэндээ ус, тос крэм түрхээд , сормуусаа будахад яг л 10 минут яг таг таарна. Энэ хавьд толгойгоо боосон том алчуураа авдаг байх. Дараагаар нь биеэ далдлах хувцсаа өмсөөд гал тогоонд орж ирэнгүүтээ зурагтаа асааж гарч буй мэдээ сонсонгоо ус, эсвэл кофе ууж хааяадаа жимс, пэчэнь мэтхэн амандаа хийнэ. Хийхээс хийхгүй нь их л дээ, гэхдээ ойрд эм ууж байгаа болохоор заавал нэг юм үмхсэний дараа эмээ араас нь залгичихаад байгаан. За тэгээд үсээ самнаад малгайгаа өмсөөд охиноо үнсчихээд гутлаа углаад гэрээс гарааский. Ажлын газраа ирээд хувцсаа солиод амралтын өрөөнд 10 минут орчим хана түшүүлэн 2 хөлөө дээш өргөн гэвтэнэ шүү дээ. Ингээд үндсэн ажлын байрлуугаа шатаар буухын өмнө тэр өдрийнхөө хуваарыг харна.

Гэтэл өнөөдөр......Хувиар дээр нэр байдаггүй ээ.. Гайхлаа, хэд дэх өдөр билээ гэж бодлоо.. Миний ээлжит амралт Мягмар Бямба . Тэгээд самбар дахь энэ сарын амралтын хуваарь харсан чинь Баасанд амарна гээд бичсэн байх юм. Албан контор орж лавлаад нэгэнт энэ хүртэл хүрээд ирсэн болохоор өнөөдөр ажиллачихий гэсэн маргааш яахын гэжийнэ. Яахуу дэ, амарчихий гэсэн чинь болохгүй гэв. За тэгвэл өнөө маргааш ажиллачий доо гэсэн үгүй ээ, өнөөдөр амар!! Маргааш ажиллаарай гэнгүүт уур хүрэх гээд л..... Зооооооз, харий доо гээд гарлаа. Нэг л уур хүрэх гээд л...........

Хайран нойр цаг. Хуваарь энэ тэрээ өөрчилсөн юм бол хэлэхэд яанаа, гэхдээ би бас өөрөө ханан дахь цаасыг өчдөр харчих минь яав дааа. Ууртайгаа эвлэрч ядаад л хариад сайхан унтъя даа гэж өөрийгөө хичээнгүйлэн албадан уураа дарсаар хариад ирэв. Юуун унтах. Байрны гадаа баахан машин техник тачигнаад л өрөмдөөд л, зааварчлан орилолдоод л.... Жинхэнээсээ уур х үрч байна. Унтмаар байх юм, ёооёоо толгой толгой.. Хөгжмөө чанга дээр нь чарлуулаад их цэвэрлэгээнд орохоос өөр хийх ажил над алга шив дэ. Банжигдуул банжигдана л дөө, гэхдээ гэрээ цэвэрлэсэн нь дээр ч юм шиг хэхэ. Уураа аргадаад хөдөлмөрлий дөө тэ?