Самдан томорсон гэнэ. Би түүнийг таньдаг юм. Аль хэдэн жилийн өмнөөс л  хаврын сүүлчийн сарын тэр нэгэн өдрөөс таньж эхэлсэн түүхтэй. Амьдралынхаа амттай  бас адтай өдрүүд бүхэнд таних гэсээр байгаад бүүр сайн таньж чадахгүй л алдаж билээ.

Насан залууд намайг эргүүлж гүйгээд бид нарны тойрог болж хөөцөлдөж тоглодог байв. Дурсамж дуртатгал болоод тархины нугалаасанд хавчуулагдсан Самдан шүү дээ.
Тэгсэн яасан, тэр манай нэг найзтай тааралдсан гэнэ. Нэг том машаааааан уначихсан, нэрийн хуудас энэ тэрээ өгөөд л,  олон тоотой дойлуурын худалдаа яриад л нээрээ энэ чинь хэн гэмээр танигдахгүй болчихсон юм байхоо.
Намайг наймааныхаа завсраар хавчуулаад сураглаж үзэж байна гэнэ. Найз яахуу дээ, байгаа амьдралыг хэлнэ биз дээ.
Тэгсэн чинь:
Тэр нээрээ азгүй хүүхээн, надтай хамт байсан бол харь нутгаар дамжин хэсээл хэдэн халтар төгрөгний төлөө ажиллахгүйгээр  зүгээр л дээшээ хараад хэвтэж байдаг газар байлаа гэж энэ тэр гэж....
Намайг бол Нарны хаан, Саран авхай болгох байсан гэнэ шүү.
Зүгээр л дэээшээ харж хэвтчихээд тэнгэрийн одод юу вэ? Самдангийн хадгаламжинд байгаа тооноос цөөхөн ч юмуу, тэр наран одоо Оюутолгойгоос л жуль харагдаад байх чинь, сартай бол бүүр харьцалтгүй Самдангийн харшнаас ч гэрэл муутай юм байна энэ тэр гээл...

Хийх юм олдохгүй банжигдмаар санагдвал үүл зүсэж өөдөө харж блогдоод л.. Залхуугаа хүрэнгүүт хар үүл босгож Банжгийг хаачаал, хааяадаа зүггүйтэж солонгоор халхавч хийж өнгөө нууж үймүүлээл...

Тэнгэр ширтэж хэвтчихээд л жаргалдаа ташуурч  -Уул үүл нь нийлэн харагдаад гэж дуулж муулаал...Бас болоогүй дээшээ харсан ганц л байрлалтай болохоор дээр гараад гэвтүүл гэвт боливол боль! гэж Самданг дарамтлаал.. Байрлалаа сольё л доо гэж  гошуу дэвсэж намайг гуйгаал..
Үгүй шүү, хандах зүгийг та өөрөө тогтоосон гэж би хясаал...

 Дээшээ хараад гэвтээд байж болох бололтой. Харин гадагшаа гарахдаа яахуу?? Гэвтээ байрлалаар машиндаа онгоцондоо сууна аан?! Энд л том асуудал гарч ирэх нь дэ. Хүмүүс надтай яаж мэндлэхэв? Дээрээс өлийж энэ тэр үү? Ууж идэх болохоор яахуу?..  Энэ бүтэхгүй ээ, ямар азаар Самдантай сууж дээшээ харж гэвтээгүй юм бэ , ээ хайрын бурхан тэнгэр минь.

Нээрээ л азтай хүүхэн юм даа гэж амаа дарж аальгүйтэн байж бичиж орууллаа..