Гэгэлзээд гэнэт явчмаар санагдаад л...Цэвэр агаар цэнгэг ус, хөхүүртэй айраг хөөрүүлсэн сүү, Тамирын гол тарваганы боодог........ Аааяаа, алтан дэлхий минь ээ.
Даанч цаг зав, цалин мөнгөндөө хэмжигдчихээд өнөө жилдээ өнжих болтой.

 Сэтгэлээ тайтгаруулж өөрийгөө хуурч энүүхэн хавиар голд шумбах  гэсэн урсчих гээд, далайд сэлэх гэхээр живчих гээд их бажигдав. Гэхдээ яахав ээ, хэсэгтээ хууртагдсан болтой юм. Харин  улаан алаг биетэй болсны дээр уран гоё хийцтэй дотоожтой болоод авсаан. Шүршүүрт ороод харахаар цагаан өнгийн чамин хослол харагдаад байгаам чинь. Цайраад өөрийн үндсэн өнгөндөө орвол өнөөх гоё хээ хуар маань намайг баяртай хагацая даа хайр минь гэх байлгүй.
Дэндүү давчуу орчлон гэж, энэ халууныг ээ.. Дээр нь бас амьдралдаа анх удаагаа хайр энэрэл ,халамж, зугаатай мөч,  зуурдхан жаргал бэлэглэсэн Хөөрхөн маань хорвоог орхиод одсоныг сонсоод хямарсаан, бачимдсан бас өөрийгөө буруутгасан.
Үүнээс хойш түүнээс цааш үүрэг хариуцлагагүй хандаж хорвоогийн хөөрхөнийг хаа нэгтээ ганцаардуулан орхихгүй гэдгээ тангаргалсан. Хайрлаж хамтдаа байж чадахгүй юм бол өөртөө дасгаад яахав. Их л богинохон жаргал байж дээ. Тэр нүд. Сэргэлэн золбоотой. Харин тэр шөнө.. Ямар их гуниг тээсэн харц байсныг энэ яваа насандаа мартахгүй. Дахиж уулзахгүй гэдгийг тэр шөнө мэдэрсэн гэж үү Хөөрхөн Минь. За одоо боллоо, заяа тавилан. УУчлаарай Хөөрхөнөө!!! үүрд дурсана. 

               Газар шороо ус тэнгэр. Хүний нутаг. 

 Ногооноор эргэлдсэн голын ус. Цэнгэг л юм байна лээ. 

Том том хавтгай чулуунууд.. Хаа нэгтээ харсан ч юм шиг.

 Гэхдээ л биш....  

  Усны өнгө модны өнгө үндсэндээ ижилхэн ногоон л

    харагдаад байгааз дээ. Нээх сонин.. 

Зориулалтын усны хувцас өмчихөөд л чухал царай гаргацан загасчид эргэн тойронд их байсан. Бид 3 яахав дээ, усанд шумбах гээд цал пал үсчээд л урсаад л орилоод л загасчидад саад болж байгаам чинь. 

Энэ хаана вэ?? Эх орон минь ээ.. Ямар ялгаа байна ???

               Хэлээд өг дөө хүмүүсээ!! 

Далай.. Загасаа барих гээл усан онгоцтой улсууд эргэлдээд байх юм байна лээ.

 Далайн давалгаанд түрэгдээд л явж өгсөн дөө энэ  Монгол охид. Даанч ээж гэгдэх охиных нь гэдэс гүзээ энэ барьж байгаа юмандаа үрэгдээд улаан алаг болцон.
Хэврэг гүзээ, хөөрхий хэд хоног хөндүүртэй.